冰岛语- Reglur TikTok um auglýsingar – skapandi auglýsingar og lendingarsíða： Óleyfilegt efni

Bannað efni

Efni eða sviðsmyndir sem birtast í skapandi auglýsingum og á lendingarsíðu verða að vera í samræmi við staðbundin lög og reglur okkar um auglýsingar.Frekari upplýsingar er að finna í Auglýsingar á TikTok – undirstöðuatriðin.

1.0 Samfélagsreglur

Skapandi auglýsingar verða að samræmast þjónustuskilmálum og samfélagsreglum TikTok.

2.0 Ólögleg þjónusta og virkni

Ekki leyft：

• Í skapandi auglýsingum og á lendingarsíðu má ekki sýna， auðvelda aðgengi að eða kynna þjónustu eða starfsemi sem telst ólögleg í tilteknu lögsagnarumdæmi.

3.0 Fíkniefni og áhöld til fíkniefnaneyslu

Ekki leyft：

• Í skapandi auglýsingum og á lendingarsíðu má ekki sýna eða kynna ólögleg lyf， eftirlitsskyld lyf， misnotkun lyfseðilsskyldra lyfja， frístundalyf， fíkniefni eða fylgihluti eða birgðir slíkra efna， þar á meðal að sýna notkun þeirra.

Hafðu í huga： Á sumum markaðssvæðum er bannað að sýna eða kynna lyfseðilsskyld lyf. Kíktu á þessa grein til að kynna þér mál sem tengjast takmörkunum í mismunandi löndum： Reglur TikTok um auglýsingar – notendur í atvinnurekstri

4.0 Vopn， skotfæri og sprengiefni

Ekki leyft：

• Í skapandi auglýsingum og á lendingarsíðu má ekki sýna eða stuðla að notkun hættulegra vopna， skotfæra eða sprengiefna í raunveruleikanum， þ.m.t.， en takmarkast ekki við， byssur， sprengiefni， sprengjur eða aðra hluti sem eru hannaðir til að skaða einstaklinga.

5.0 Tóbaksvörur og reykingar

Ekki leyft:

• Í skapandi auglýsingum og á lendingarsíðu má ekki sýna eða kynna tóbak, tóbakstengdar vörur eins og vindla, tóbakspípur, sígarettupappír eða rafsígarettur eða reykingatengda hegðun í raunveruleikanum, þar með talið en ekki takmarkað við aðra valkosti sem líkja eftir reykingum.

6.0 Pólitískar og málefnamiðaðar auglýsingar

Skapandi auglýsingar og lendingarsíður mega ekki innihalda pólitísk skilaboð eða sértæka málefnaumfjöllun.

Pólitískar og málefnamiðaðar auglýsingar fela í sér:

• Auglýsingar sem vísa í, kynna eða andmæla frambjóðendum eða þeim sem tilnefndir eru til opinberra embætta, stjórnmálaflokkum, eða kjörnum eða tilnefndum embættismönnum;
• Auglýsingar sem vísa í kosningar, þ.m.t. skráningu kjósenda, kosningaþátttöku og atkvæðaleit;
• Auglýsingar sem innihalda málflutning með eða á móti fyrri, núverandi eða fyrirhugaðri þjóðaratkvæðagreiðslu, þjóðaratkvæðagreiðslum á kjörseðli og lagaendurbótum, niðurstöðum eða málaferlum dómstóla eða reglugerða;
  • Þar á meðal eru auglýsingar sem hvetja til árása á stjórnvöld eða opinbera stefnu eða afrekaskrár;
• Auglýsingar sem vísa í, kynna eða selja vörur sem sýna bannaða einstaklinga, aðila eða efni, þar með talið kosningaslagorð, tákn eða vörumerki.

7.0 Efni tengt hernaði

Ekki leyft:

• Í skapandi auglýsingum og á lendingarsíðu má ekki sýna neikvætt efni sem tengist hernaðar- eða löggæslutáknum, leynilega hernaðarviðburði, ýta undir hernaðarhyggju, hvetja til hernaðar eða lögbrota eða hvítþvo stríðsrekstur.

8.0 Mismunun í auglýsingaefni

Ekki leyft:

• Skapandi auglýsingar og lendingarsíður mega ekki innihalda auglýsingaefni sem mismunar eða áreitir, eða hvetur til mismununar eða áreitni, hatursorðræðu gegn vernduðum hópum, einstaklingum eða samtökum á grundvelli verndaðra persónulegra eiginleika, þ.m.t., en takmarkast ekki við, kynþátt, þjóðerni, kynhneigð, kynvitund, trúar- og lífsskoðun, aldur, fjölskyldustöðu, læknisfræðilegt eða erfðafræðilegt ástand. Nánar er fjallað um þetta í reglum TikTok gegn mismunun í auglýsingum.

9.0 Efni um fullorðna og kynlíf

Ekki leyft:

• Í skapandi auglýsingum og á lendingarsíðu má ekki birta eða kynna notkun á bönnuðum vörum eða þjónustu fyrir fullorðna.
• Í skapandi auglýsingum og á lendingarsíðu má ekki sýna kynferðislegar athafnir eða hegðun sem er óþarflega djörf eða kynferðislega ögrandi.
• Í skapandi auglýsingum og á lendingarsíðu má ekki sýna nekt, nota kynferðislegar tilvísanir eða sýna einstakling á kynferðislegan hátt.
• Í skapandi auglýsingum og á lendingarsíðu má ekki sýna óþarflega mikið af nakinni húð.
• Í skapandi auglýsingum og á lendingarsíðu má ekki leggja sérstaka áherslu á afmarkaða, viðkvæma líkamshluta, svo sem kynfæri, rasskinnar og brjóst.

10.0 Brot á hugverkarétti

Ekki leyft:

A. Í skapandi auglýsingum og á lendingarsíðu má ekki birta efnisatriði sem tengjast TikTok án leyfis TikTok.

• Í skapandi auglýsingum og á lendingarsíðu má ekki birta kennimerki TikTok án leyfis TikTok.
• Í skapandi auglýsingum og á lendingarsíðu má ekki nota lýsinguna „TikTok Bestseller“ án leyfis TikTok.
• Lendingarsíða má ekki líkja eftir viðmóti áskorunarsíðu með myllumerki á TikTok, nema með leyfi TikTok.

B. Í skapandi auglýsingum og á lendingarsíðu má ekki birta efni sem brýtur í bága við eða brýtur gegn réttindum neins þriðja aðila, þ.m.t., en takmarkast ekki við, vörumerki, kennimerki, þjónustumerki, viðskiptaheiti eða önnur persónu- eða hugverkaréttindi.

• Í skapandi auglýsingum og á lendingarsíðu má ekki birta nöfn þriðja aðila á þann hátt sem gæti villt um fyrir notendum um vörumerkjatengsl auglýsandans.
• Í skapandi auglýsingum og á lendingarsíðu má ekki sýna forrit eða öryggismyndavélar eða neinn hugbúnað/búnað sem ætlaður er til að kvikmynda aðra án þeirra leyfis.
• Auglýsendur mega ekki birta persónuupplýsingar eins og opinber skilríki, banka- eða fjárhagsupplýsingar eða heimilisföng/netföng. Símanúmer eru aðeins ásættanleg ef þau eru tengiliðaupplýsingar auglýsandans.

C. Í skapandi auglýsingum og á lendingarsíðu má ekki sýna eða kynna falsaðar vörur.

• Í skapandi auglýsingum og á lendingarsíðu má ekki sýna eða kynna fölsuð skjöl, svo sem falsaðar háskólagráður, vegabréf eða innflytjendapappíra.
• Í skapandi auglýsingum og á lendingarsíðu má ekki sýna falsaðar eða óheimilar eftirlíkingar af alvöru vörum.

Hafðu í huga: Ef þú ert ekki viss um hvort þú eigir réttinn að tilteknu hugverki eða ert í vafa um hvort tilkynna eigi brot skaltu ráðfæra þig við lögfræðing eða lögfræðilegan ráðgjafa, þar sem TikTok getur ekki veitt lögfræðiráðgjöf. 

Í þessari grein er fjallað um atriði sem varða brot á hugverkarétti vegna auglýsinga.

11.0 Villandi kröfur og ósamræmi í upplýsingum

Ekki leyft:

A. Skapandi auglýsingar mega ekki innihalda ýkt fyrirheit eða loforð um áhrif vöru.

• t.d. um krem: Grennir fætur samstundis.
• t.d. um fjármálatengda vöru/þjónustu: Græddu peninga á 10 sekúndum.
• t.d. fullyrðingar um lækningar á ólæknanlegum sjúkdómum.
• t.d. að sýna hrukkur sem hverfa við notkun á kremi, með „fyrir og eftir“ samanburð með því að nota krem.

B. Skapandi auglýsingar og lendingarsíða mega ekki innihalda óréttmætan samanburð við önnur vörumerki af illum hug.

• t.d. „Þessi vara er XX ódýrari en á vefsvæðinu ABC“.

C. Skapandi auglýsingar og lendingarsíða mega ekki innihalda óvirka hnappa, framkallaðar bendingar eða texta (hnappa/bendingar/texta sem sýna óstudda virkni).

• t.d. texti á borð við „Strjúktu upp til að fá frekari upplýsingar“ í auglýsingu, en þegar slíkt er gert lendir notandinn á öðru myndbandi og þar fram eftir götunum.

D. Skapandi auglýsingar og lendingarsíða mega ekki sýna eða kynna rangar eða villandi upplýsingar um kynningartilboð, verð, afslætti eða sambærilegt, þar á meðal með ófullnægjandi upplýsingum, án fyrirvara eða skilmála.

• t.d. afsláttur í auglýsingu er sagður vera 50% en afsláttur á lendingarsíðunni reynist vera 40%.
• t.d. kynning í auglýsingu þar sem segir „Verðlaun í pottinum“, en engar tengdar upplýsingar eru á lendingarsíðu.

E. Lendingarsíða má ekki innihalda sprettiglugga sem ekki er hægt að loka eða sleppa (á við um öll svæði nema Bandaríkin/CA og LATAM).

• t.d. sprettigluggi á lendingarsíðunni sem ekki er hægt að komast framhjá án þess að veita seljanda persónuupplýsingar.

Hafðu í huga:

• Við ætlumst til að auglýsendur geri notendum okkar grein fyrir öllum tengdum gjöldum, vildarverði og reikningagerð, í samræmi við staðbundin lög og reglugerðir. Í auglýsingum verða að koma fram ítarlegar upplýsingar um kostnað við notkun á auglýstri vöru eða þjónustu. Við áskiljum okkur rétt til að fjarlægja auglýsingar sem brjóta gegn reglum okkar.
• Skapandi auglýsingar og lendingarsíða sem innihalda fyrirheit um árangur innan tiltekinna tímamarka kunna að vera háð takmörkunum.

12.0 Villandi, óheiðarleg og sviksamlegt atferli

TikTok leyfir ekki atferli sem er villandi, óheiðarlegt og sviksamlegt, í því skyni að vernda heilleika, áreiðanleika og öryggi kerfisins okkar. Notendur sem taka þátt í slíku atferli eða verða ítrekað uppvísir að slíku eiga á hættu tímabundna lokun eða bann.

13.0 Slúður- og æsifréttatengt og hneykslanlegt efni

Ekki leyft:

A. Skapandi auglýsingar og lendingarsíða mega ekki sýna blóðugt eða hrollvekjandi myndefni eða grafískar myndir sem líklegt er að hneyksli eða hræði notendur.

• t.d. vettvangur glæpa eða myndir af slysum.
• t.d. hrollvekjandi eða blóðug atvik.

B. Skapandi auglýsingar mega ekki innihalda myndefni sem vekur viðbjóð og getur valdið óþægilegri notendaupplifun.

• t.d. myndir af kynlífstengdum vessum, úrgangi úr mönnum eða dýrum.
• t.d. myndir sem sýna óhreinindi úr svitaholum á andliti eða hár sem er togað upp úr niðurfalli.

C. Skapandi auglýsingar mega ekki innihalda efni sem sýnir glæpi, mikið ofbeldi, grimmd eða tilefnislaust ofbeldi gagnvart dýrum.

• t.d. auglýsingar sem sýna alvöru bardaga með blóðugum atriðum.
• t.d. auglýsingar sem sýna dýraníð, svo sem hanaat eða hundaat.

D. Skapandi auglýsingar og lendingarsíða mega ekki innihalda gróft orðbragð eða móðgandi athafnir.

E. Skapandi auglýsingar mega ekki sýna hættulegt (eða skaðlegt) atferli án öryggisbúnaðar.

• t.d. efni sem sýnir Parkour-stökk eða stökk af eða á milli hárra bygginga. Auglýsingar sem innihalda mjög hættuleg Parkour-atriði eru bannaðar (þ.e. atriði sem eru framkvæmd í mikilli hæð og fylgir veruleg áhætta). Auglýsingar sem sýna aðrar Parkour-æfingar skal meta í hverju tilviki fyrir sig út frá því hversu mikil áhætta og skaði kann að fylgja, en yrðu aðeins samþykktar ef þær eru merktar sem efni fyrir notendur 18 ára og eldri og með fyrirvara á borð við „ekki reyna þetta heima“ (eða sambærilegu orðalagi).
• t.d. efni sem sýnir hugsanlega óviðeigandi notkun á hættulegum verkfærum, ökutækjum eða hlutum.
• t.d. efni sem sýnir eða stuðlar að neyslu efna sem ekki eru ætluð til manneldis eða gætu valdið alvarlegum skaða.
• t.d. hættulegir leikir, dirfska eða glæfraatriði sem gæti valdið meiðslum.

F. Skapandi auglýsingar mega ekki sýna efni sem gæti hvatt til ótta eða skelfingar, sem getur skaðað notendur.

• t.d. efni sem sýnir eða kynnir orðasambönd á borð við „þú gætir verið í hættu“ eða „veira fundin, fjarlægðu hana núna“

Hættuleg eða skaðleg hegðun:

Ekki leyft:

• Auglýsingar mega ekki sýna hættulega eða ólöglega hegðun.
• Auglýsingar mega ekki sýna hættulega hegðun sem auðvelt er að herma eftir og er líkleg til að leiða til líkamlegs skaða fyrir einstakling eða almenning.
• Auglýsingar mega ekki hvetja notendur til að taka þátt í mögulega skaðlegri hegðun (t.d. „Nú er komið að þér“) – án undantekninga.

Leyft (undantekningar)：

• Gera má undantekningar á myndum úr kvikmyndum, leikjum, teiknimyndum eða af augljóslega ýktu, ótrúverðugu atferli sem er augljóslega skáldað og atferli sem er sýnt til að sýna örugg og rétt viðbrögð í fræðsluskyni. Þessum reglum er ekki ætlað að ná yfir birtingar sem sýna jaðaríþróttir eða háskalegar athafnir í starfi á öruggan hátt. Hægt er að hafna auglýsingum ef ekki þykir ljóst að birtingin sé í faglegu samhengi eða tengist íþróttum, eða ef öryggisráðstafanir eru ekki ótvíræðar. Ef auðvelt er að líkja eftir samþykktum birtingum á áhættuatriðum eða jaðaríþróttum gæti verið nauðsynlegt að láta fyrirvara eins og „ekki reyna þetta heima“ (eða sambærilegt) fylgja og merkja efnið sem leyfilegt fyrir 18 ára og eldri til að fá samþykki.

14.0 Hneykslanlegt eða óviðeigandi efni

Ekki leyft: 

Skapandi auglýsingar og lendingarsíða mega ekki innihalda gróft eða óviðeigandi efni á borð við:

• Efni sem felur í sér hættulegar, skaðlegar eða ofbeldisfullar athafnir.
• Efni sem er niðrandi, líklegt til að móðga eða niðurlægjandi.
• Efni sem er ósmekklegt, lítilsvirðandi eða inniheldur guðlast.
• Efni sem vísar til og hagnýtir sér viðkvæman atburð eða umræðuefni með því að safna fylgjendum og til að hagnast á óréttmætan hátt með sölu á vörum eða þjónustu, óviðeigandi notkun á myllumerkjum eða einhverju slíku. Slíkir atburðir gætu verið náttúruhamfarir eða hamfarir af mannavöldum, árás á einstakling eða samfélag, mótmælaaðgerðir, dauðsföll eða meiðsli eða annað sambærilegt, þar á meðal Covid-19.

15.0 Óþarfa kaup

Ekki leyft:

• Skapandi auglýsingar og lendingarsíða mega ekki stuðla að óhóflegum kaupum á hlutum sem eru auðvelduð með því að seinka greiðslu, svo sem með kreditkortum, lánsfjármögnun og „kauptu núna, borgaðu seinna“-þjónustu.
• Í skapandi auglýsingum og á lendingarsíðu má ekki gefa í skyn, beint eða óbeint, að BNPL sé áhættulaus leið til að eyða peningum.

Leyft (undantekningar)：

• Skapandi auglýsingar sem innihalda ítarlegar leiðbeiningar um hvernig neytendur geta fengið lán, kreditkort eða notað greiðslufrestunarþjónustu verða hugsanlega leyfðar ef þær njóta ekki forgangs umfram annað skapandi auglýsingaefni.

16.0 Gagnasöfnun

Við gerð auglýsinga verður að tryggja að öll söfnun og úrvinnsla persónuupplýsinga sem fram fer í tengslum við auglýsinguna fari fram á öruggan hátt og í samræmi við lög á hverjum stað og að persónuverndarstefna sé aðgengileg hverjum þeim sem veitir slíkar upplýsingar.

Öflun nýrra viðskiptavina

Auglýsendur mega ekki nota öflun nýrra viðskiptavina til að safna eftirfarandi óleyfilegum upplýsingum án skriflegs samþykkis frá TikTok.

Ekki leyft: 

• Upplýsingar um eða sem tilgreina kynþátt eða þjóðernisuppruna.
• Upplýsingar um eða sem tilgreina stjórnmálaskoðanir eða stjórnmálatengsl.
• Upplýsingar um eða sem tilgreina trúar- eða lífsskoðanir.
• Upplýsingar um eða sem tilgreina stéttarfélagsaðild.
• Upplýsingar um heilsufar, svo sem um sjúkrasögu, fötlun, andlega eða líkamlega heilsu eða læknismeðferð.
• Upplýsingar um kynlíf einstaklinga.
• Upplýsingar um kynhneigð einstaklinga, þar á meðal hvaða kyn einstaklingurinn samsamar sig við.
• Upplýsingar um sakaskrá, handtökur, málsmeðferð eða sakfellingar eða tengdar öryggisráðstafanir.
• Opinber auðkennisnúmer: T.d. kennitala, vegabréfsnúmer, ökuskírteinisnúmer eða kennitala skattgreiðanda/innlends aðila.
• Fjárhagsupplýsingar, svo sem tekjur, bankareikningsnúmer, hrein eign, kredit- eða debetkortanúmer, skattnúmer, CVV, lánshæfismat, skuldir, fjárhagsyfirlit eða gjaldþrotastaða.
• Vátryggingaupplýsingar, svo sem númer vátryggingar eða vátryggingarvernd.
• Upplýsingar um auðkenni á netinu, svo sem notendanöfn, aðgangsorð, svör í aðgangsorðavernd eða rafræn skilríki notanda.
• Reikningsnúmer, svo sem vildarkortanúmer eða flugpunktanúmer.
• Fæðingardagur notenda, fæðingarár eða nákvæmur aldur.

17.0 Villandi upplýsingar

TikTok leyfir ekki rangt, villandi eða falskt efni sem getur valdið einstaklingum eða samfélaginu verulegum skaða, óháð ásetningi.

Ekki leyft: 

• Í skapandi auglýsingum og á lendingarsíðu má ekki birta rangar upplýsingar sem geta valdið hættu, rangar læknisfræðilegar upplýsingar, falsað eða villandi fréttaefni og hættulegar samsæriskenningar